गणेशोत्सव_आधुनिक

राज्य  मंडळाचे  आले ,  तुला नाही भाव
निघ गौरीसुता आता , सोड तू हे गाव

लोकमान्य टिळक यांची ,  होती दूर-दृष्टी
लोक संघटीत बनले , स्वातंत्र्य प्राप्ती साठी
त्याच महा नायकाचे , कुठे आज नाव?
निघ गौरीसुता आता , सोड तू हे गाव १

तरुण झाला व्यसनाधीन , देती लोक पैसा
किती पुण्य आणि पाप , हिशेब याचा कैसा
कळेना या गोंधळात , कोण चोर साव?
निघ गौरीसुता आता , सोड तू हे गाव २

खरी परंपरा गेली , आधुनिक आले
तूच पहा गजवदना , कसे काय झाले
पवित्र हि संस्कृती माता , सोसितसे घाव
निघ गौरीसुता आता , सोड तू हे गाव ३