---फुल---(निर्माल्यातील)

मलाच नाही समजत ,काय समजू स्वतःला?
साथ होती भाग्याची? की दुर्दैव आलं वाट्याला?

काही क्षणाच आयुष्य माझं, पण सुगंधान भरलेलं
टवटवीत मुखवटा घेऊन,काट्यातही झुरलेलं

बसलो 'श्रीं' च्या माथ्यावर,तोच आनंदाचा क्षण
कोण पुण्य केले मी?विचारू लागले मन

पण दुसर्याच क्षणी , कचऱ्याचा ढीग पहिला
पाप-पुण्याचाही विचार, मग अधुराच राहिला

नशीब कि दुर्दैव माझे? काय म्हणू मी याला ?
उत्तर द्या तुम्हीच, निर्माल्यातील फुलाला.